જાડેજાનો જન્મ 6 ડિસેમ્બર 1988ના રોજ જામનગરમાં થયો હતો. તેમના પિતા અનિરુદ્ધસિંહ જાડેજા ખાનગી સિક્યુરિટી કંપનીમાં ગાર્ડ તરીકે નોકરી કરતા હતા. જાડેજાની માતા લતાબા જાડેજા નર્સ તરીકે કામ કરતી હતી. જાડેજાએ બાળપણમાં ઘણી સમસ્યાઓનો સામનો કર્યો હતો. તેને ક્રિકેટ રમવાનો ખૂબ શોખ હતો અને તે ક્રિકેટર બનવા માંગતો હતો, પરંતુ તેના પિતા ઈચ્છતા હતા કે તે આર્મી ઓફિસર બને. તેથી, માતા લતાબા જાડેજા ઇચ્છતા હતા કે જાડેજા જે બનવા માંગે છે તે બને. જ્યારે જાડેજાએ તેને કહ્યું કે તે ક્રિકેટર બનવા માંગે છે, ત્યારે લતાબા તેને ભારતીય ક્રિકેટ ટીમમાં રમતા જોવા માંગતી હતી. તેમનું સપનું હતું કે તેમનો પુત્ર ભારત માટે ક્રિકેટ રમે.
આ શબ્દો રવિન્દ્ર જાડેજા માટે બોલાયા છે. આ નામ વિશ્વના શ્રેષ્ઠ ઓલરાઉન્ડરોમાં ગણવામાં આવે છે. આ નામે ભારતે 2013માં ચેમ્પિયન્સ ટ્રોફી જીતી છે. આ નામથી CSKને 3 IPL ટ્રોફી મળી છે. અને આ નામે આંતરરાષ્ટ્રીય ક્રિકેટમાં ઘણા રેકોર્ડ તોડ્યા છે. જાડેજાએ સાબિત કર્યું કે શા માટે તેની ગણના અત્યારે વિશ્વના શ્રેષ્ઠ ઓલરાઉન્ડરોમાં થાય છે. જો કે જાડેજાની સફર આસાન રહી નથી. તેણે પોતાના અંગત જીવનમાં ઘણા પડકારોનો સામનો કર્યો.
વિશ્વના ઘાતક ઓલરાઉન્ડરોમાંના એક ટીમ ઈન્ડિયાના રવિન્દ્ર જાડેજા આજે 35 વર્ષનો થઈ ગયો છે. જાડેજાએ ફેબ્રુઆરી 2009માં ભારત માટે ડેબ્યૂ કર્યું હતું. અત્યાર સુધીમાં, તેણે ભારત માટે 67 ટેસ્ટ રમી છે – 2804 રન અને 275 વિકેટ, 197 વનડે – 2756 રન અને 220 વિકેટ અને 64 ટી20 – 457 રન અને 51 વિકેટ. ભારત માટે આંતરરાષ્ટ્રીય ક્રિકેટમાં 5000+ રન અને 500+ વિકેટ લેનાર સુપ્રસિદ્ધ કપિલ દેવ પછી જાડેજા માત્ર બીજા ખેલાડી છે.
